Liga e Kombeve, Kosova barazon me Austrinë

Një ndeshje që premtoi shumë, por që në fund la gjithçka të hapur. Kosova dhe Austria ndanë nga një pikë në stadiumin “Fadil Vokrri”, në një përballje të mbyllur në barazim 1-1, aty ku dëshira për fitoren u përplasën në çdo centimetër të fushës.

Në minutën e 9-të, Hoxha provoi pas topit të dhënë nga Gallapeni , por goditja e tij përfundoi jashtë. Vetëm një minutë më pas, ishte Austria që provoi me Grigoriç, por Shaipi u shfaq vendimtar, duke mbajtur portën të paprekur.

Në një pjesë të parë ku të dyja skuadrat kërkuan të ndryshonin ekuilibrat, Kosova pati mundësinë e artë në fund. Një moment hutimi në prapavijën austriake i dha Muriqit hapësirën për të goditur, por portieri mik doli në kohën e duhur dhe shpëtoi skuadrën e tij.

Pas pushimit, loja mori tjetër dimension. Në minutën e 67-të, Asllani dhe Rashica u aktivizuan, duke i dhënë më shumë freski sulmit. Dhe vetëm tre minuta më vonë, Zhegrova asistoi saktë për Asllanin, me sulmuesin që u tregua i saktë. E kur gjithçka dukej se po shkonte në drejtim të “Dardanëve”, Lang për Austrinë rikthehu baraspeshën, gol i shënuar në minutën e 84’ që sigurisht, për mënyrën sesi u zhvillua ndeshja gjërat mund të ishin shumë ndryshe.

Një ndeshje që duhej të vinte me shumë energji dhe të përqendruar pas barazimit në ndeshjen e fundit ndaj Izraelit, përfunduar 1-1, në një përballje ku Dardanët dhanë gjithçka ndaj një kundërshtari që ndodhet në fund të klasifikimit. Kosova mbetet në vendin e dytë me 5 pikë, ndërkohë Austria forcon pozitat duke kryesuar në kuotën e 8 pikëve.

Ende nuk ka komente. Bëhuni i pari që komenton.