LSDM: Pse Qeveria e Mickoskit nuk publikon dokument për ujin në Gostivar?

LSDM në një kumtesë për media thotë se funksionarët e Qeverisë janë në kundërshtim në lidhje me ujin në Gostivari. Nga LSDM thonë se Klekovski njoftoi se deri në fund të javës uji në Gostivar pritet të jetë i sigurt për t’u pirë, ndërsa Hristijan Mickoski deklaroi se ka “baktere të reja” në ujë.

“Secili po shpik historinë e vet dhe qytetarët janë të hutuar dhe nuk dinë çfarë të bëjnë. Mbi 4,000 njerëz janë helmuar në Gostivar, dhe qeveria e Mickoskit nuk ka publikuar një dokument për ujin në Gostivar. Pse nuk po publikohet një dokument për ujin? Nuk ka dokumente, as analiza, askush nuk e ka nënshkruar dhe miratuar atë”.

“Si mund ta besojnë qytetarët tani kur nuk ka as raport, as dikë që e ka nënshkruar, as dikë që ka miratuar përdorimin e ujit si teknik? Askush nuk i beson deklaratave të Mickoskit dhe Klekovskit sepse ata gënjejnë shumë. Ata tashmë i kanë fshehur rezultatet dhe kjo ka çuar në mbi 4,000 infeksione dhe shpërthimin e një epidemie të verdhëzës në Gostivar. Qytetarët nuk mund t’u besojnë atyre kur Ministri i Policisë, i cili nuk ka njohuri ose ekspertizë, merret me furnizimin me ujë dhe hiperklorinimin”.

“Cili institucion u garanton qytetarëve ujë të pastër teknik? Në emër të qytetarëve të Maqedonisë dhe Gostivarit, ne kërkojmë sot që raportet për ujin në Gostivar të bëhen publike. Qytetarët kërkojnë një gjë të thjeshtë: ujë të pastër dhe emrin e personit që garanton se është i pastër”, thonë nga LSDM./Telegrafi/