Mali i Zi dëbon 30 murgj të Kishës Ortodokse serbe

Mali i Zi planifikon të dëbojë më shumë se 30 murgj dhe priftërinj të Kishës Ortodokse serbe. Me anëtarët e familjeve të tyre, janë rreth pesëdhjetë qytetarë që punojnë në këtë vend.

Siç shkruan ‘Novosti’, nën ndalimin e rregulloreve që rregullojnë regjistrimin e vendbanimit, Podgorica zyrtare mbyll derën për qytetarët serbë të cilët, sipas ligjeve të brendshme, nuk i plotësojnë kushtet për të jetuar dhe kryer shërbime fetare në këtë vend.

Në Metropolitanin malazez-litoral, thonë se të gjitha mjetet juridike nuk janë shterur dhe se lufta për statusin është ende në vazhdim.

Velibor Xhomiq tha për ‘Novosti’ se 30 murgjve, priftërinjtë dhe pjesëtarëve të  familjeve të tyre, të cilët deri në këtë vit kishin një qëndrim të rregullt në Malin e Zi, nuk iu vazhdua statusi nga Ministria e Punëve të Brendshme.

“Ata detyrohen të largohen nga Mali i Zi deri në përfundim të procedurës. Ankesat u parashtruan para Gjykatës Administrative. Në disa raste, ato janë refuzuar dhe një pjesë e procedimeve janë ende në vazhdim”, shpjegon Xhomiq.