Mali i Zi: Shkollat dhe kopshtet vazhdojnë të jenë të mbyllura deri me 1 prill

Masat e reja më rigoroze janë futur për komunat Beranë dhe Shavnik, për shkak të përkeqësimit të situatës epidemiologjike. Në konferencën për gazetarët është kumtuar se masat do të zbutën për banorët e Komunës Herceg  Novi. Të dhënat statistike tregojnë se numri i pacientëve të hospitalizuar në Qendrën Klinike të Malit të Zi, është ulur 5%, kurse 20%, është ulur edhe numri i pacientëve  të cilët janë në rrezik për jetën, ka deklaruar drejtorja e Qendrës klinike, Lilana Radulloviq.

Ministri i zhvillimit ekonomik, Jakov Millatoviq ka theksuar se të  gjithë dëshirojnë që sa më parë të ulet numri i të infektuarve. Ai përsëri  u ka bërë apel qytetarëve që sa më tepër tu përmbahen masave të parapara. “Mbyllja nuk do të thotë vetëm mbyllje e ekonomisë por edhe të tërë shoqërisë. Kjo nuk është luftë e Qeverisë por e të gjithë neve dhe  luftë në të cilën nuk ka ndarje”, ka theksuar Millatoviq. Ai ka kumtuar se si Qeveri janë të gatshëm të veprojnë në bashkëpunim me organet tjera shtetërore. “Konsiderojmë se ky sezon,, të cilin e kemi projektuar në 55 deri në 60% të realizimit edhe do të jetë e tillë ashtu siç e kemi projektuar”, ka theksuar ministri, Millatoviq.