Maratona e Notit “Agron Ruvina”, mbi 100 sportistë nga 4 shtete të rajonit mblidhen në Pogradec

Për të 6-vit radhazi Maratona e Notit “Agron Ruvina” ka mbledhur mbi 100 sportistë të të gjitha moshat në Pogradec nga 4 shtete të rajonit. Maratona u zhvillua në 3 disiplina për fëmijë 200 m, veteranë 200 m dhe profesionistë 1100 m.

Lizi Gusho u shpall kampione e garës për profesionistë, notarja nga Pogradeci e ardhur posaçëshrisht nga Amerika arriti të shkëputej që në fillim duke lënë pas sportitët e tjerë.

Gara e veteranëve është më e veçanta e kësaj maratone pasi ish sportistë të cilët e kanë njohur Ruvinën dhe kanë parë sukseset e tij garojnë në kujtim të tij.

Pjesë e garës janë edhe shtetasit e huaj, Alice Taylor një amerikane që prej disa vitesh jeton në Shqipëri thotë se gara të tilla e bëjnë edhe më të bukur Pogradecin. Ndërsa për vëllain e rekordmentit krenaria që qyteti nderon Ruvinën është e pamatë.

Mararona Agron Ruvina krahas kujtimit për rekordmenin e notit pogradecar ka si fokus promovimin e këtij sporti për të afrua sa më shumë të rinj dhe çdo vit e më tepër numri i pjesëmarrësve në të rritet.