Markoneni që përplasi 8 kalimtarë në Modena akuzohet për “masakër”, 2 të plagosurve u janë amputuar gjymtyrët

Dy nga të plagosurit e pwrplasur nga një shofer makine në qendër të Modenës dje iu nënshtruan një ndërhyrjeje kirurgjikale për heqjen e gjymtyrëve të poshtme. Një grua 55-vjeçare mbetet në gjendje kritike, e cila u shtyp midis makinës dhe një vitrine dyqani. Dy të plagosur të tjerë, të moshës 52 dhe 69 vjeç, janë në gjendje të rëndë.Kryeministrja italiane Giorgia Meloni ka vendosur të anulojë vizitën e saj të planifikuar në Qipro sot dhe do të udhëtojë menjëherë për në Modena. Qytetin do ta vizitojë edhe Presidenti i Republikës Italiane, Sergio Mattarella, i cili falënderoi qytetarët që kontribuuan në arrestimin e autorit të krimit, Salim El Koundri.

Kryebashkiaku i Modenës, Massimo Mezzetti, tha se El Kundri, sipas shërbimeve të shëndetit mendor të qytetit të tij, kishte një çrregullim skizoid të personalitetit nga viti 2022 deri në vitin 2024. Ai shtoi se “gjithçka duket se tregon një akt individual, përtej kufijve të arsyes”. Autori tridhjetë e një vjeçar akuzohet për “kryerje masakre” nga prokurorët italianë, siç parashikohet në kodin penal të vendit.Kush është autori i krimit?

Salim El Koundri, një shtetas italian me origjinë marokene, studioi ekonomi në Itali dhe më parë është trajtuar për probleme psikologjike. Deri më tani, ai nuk ka precedentë penalë, ndërsa sipas televizionit publik italian Rai, informacionet tregojnë se Koundri kohët e fundit kishte zhvilluar çrregullime mendore.Prokurorët, me hetimin që kanë filluar tashmë, do të duhet të përcaktojnë se çfarë e shkaktoi garën e tmerrshme dhe frenetike të makinës së tij me të cilën, dje pasdite, ai plagosi shtatë këmbësorë në një rrugë kryesore në Modena dhe menjëherë më pas një kalimtar që u përpoq ta ndalonte kur doli nga makina dhe u përpoq të largohej.