Masa e sigurisë për Veliajn, avokati britanik: Kemi nisur përgatitjet për Strasburg

Dy ditë pasi e takuan kryetarin e Bashkisë së Tiranës në qelinë në Durrës, avokati britanik ka dhënë argumentet e mbrojtjes përballë medies në Tiranë.

Ben Brandon e cilësoi të pajustifikuar masën e sigurisë ndaj Veliajt, duke kërkuar lirimin, me argumentin se duhet të vijojë ushtrimin e mandatit. Qëndrimin e dha pikërisht në ditën kur gjykata e lartë caktoi datën 15 shtator për shqyrtimin e çështjes së masës së sigurisë për Erion Veliajn.

“Kemi një vonesë të përgjithshme prej 16 muajsh dhe të pashpjegueshme. Gjykata e Strasburgut e ka bërë të qartë, Shqipëria duhet ta trajtojë lirimin sa më shpejt të jetë e mundur. Kjo është një çështje që ka edhe interes publik. Përveç se ndalimi i tij ndikon tek ai vetë, familja e tij, gruaja e tij dhe dy fëmijët e tij, ka edhe një impakt te qytetarët e Tiranës, të cilët e kanë zgjedhur. Të ndalosh një person duhet të jetë masa e fundit që të zbatohet pas gjykimit”, tha ai.

Ndërsa Mbrojtësi ligjor shqiptar, Plarent Ndreca, theksoi se Gjykata e Lartë duhet të dalë sa më shpejt me një vendim për çështjen e masës së sigurisë.

Veliaj u ndalua ne 10 shkurt të vitit të shkuar, ndërsa dosjen e tij SPAK e ka dorëzuar në GJKKO ku tashmë ka nisur dhe shqyrtimi në themel.