Mbërrin në Shëngjin “Libra” me 40 emigrantë, anija i dhurohet Shqipërisë

Anija italiane Libra, me 40 emigrantë në bord, ka mbërritur në Portin e Shëngjinit pasditen e të premtes. Pas zbarkimit të emigrantëve, anija do t’i dhurohet shtetit shqiptar.

Anija u niz nga Brindisi mëngjesin e te premtes. Të 40 emigrantët do të vendosen në kampin e Gjadrit, të i cili me dekret të qeverisë italiane është kthyer në Qendër Paraburgimi për Riatdhesim

Bëhet fjalë për shtetas të kombësive të ndryshme, të mbërritur në Brindizi ditët e fundit dhe për të cilët qeveria italiane ka rregulluar procedurën e transferimit në objektin e ndërtuar prej tyre në Shqipëri.

Vendimi erdhi pas miratimit të dekretit të 28 marsit, i cili lejon transferimin jo vetëm të azilkërkuesve të kapur në det, por edhe të emigrantëve të parregullt, të cilëve komisioneri i policisë u ka dorëzuar dekretin e dëbimit dhe një gjyqtar ka vërtetuar qëndrimin e tyre në këtë qendër.