Mbi 32 mijë aplikime për fondet në bujqësi, fermerët afat deri në 26 qershor

Afro 32.300 fermerë kanë aplikuar deri më tani për të përfituar nga skemat e mbështetjes në bujqësi për vitin 2026, për të cilat fondi në total i vendosur në dispozicion është 52 milionë euro.

Këtë vit është rritur masa e financimit për krerë në blegtori dhe bletari dhe është përgjysmuar tavani I tufave që duhet të kenë fermerët për përfitim. Ndërsa skema e naftës nuk do të aplikohet si në vitet mëparshme, por do të mbulohet përmes rimbursimit 10 % të faturave të shitjes.

Risi është edhe finacimi me 100 euro për hektar për sipërfaqe të mbjellë me kultura bujqësore, me jo më pak se 3 hektarë.

Konkretisht, blegtorët me jo më pak se 5 krerë lope do të marrin 12 mijë lekë pwr kokw, për tufën bazë të matrikulluar. Për mbarështimin e bletarisë, do të jepen 2 mijë lekë për zgjua.

Për herë të parë është futur mbështetja për dosa në vlerën deri në 7 mijë lekë/kokë.

Qeveria ka përcaktuar se 2.5 miliardë lekë nga fondi total shkojnë për skemën e investimeve, ku bën pjesë mbështetja e fermerëve të rinj me 10 mijë euro grant

Për të përfituar nga masat mbështetëse, kushti kryesor për aplikantët është shlyerja korente e sigurimeve shoqërore.

Afati i fundit i aplikimit është data 26 Qershor përmes e – Albania.