Mbyllet me sukses dita e parë e Festivalit të Video Artit “Gjon Mili” në Dhërmi

18 June 2026, 23:33 · 2 min lexim

Dita e parë e edicionit të katërt të Festivalit të Video Artit “Gjon Mili” u mbyll me sukses në Dhërmi, duke sjellë para publikut një program me filma të shkurtër, dokumentarë dhe vepra të video artit nga artistë shqiptarë dhe ndërkombëtarë.

Aktivitetet u zhvilluan në tre shtëpi tradicionale të fshatit – Shtëpia e Mitit, Shtëpia e Vasos dhe Shtëpia e Milios – të cilat u përshtatën si hapësira projeksioni për veprat artistike.

Në Shtëpinë e Mitit u prezantuan gjashtë vepra nga autorë të Koresë së Jugut, Holandës, Kanadasë, Kinës, Australisë dhe Rumanisë. Programi përfshiu filmin e shkurtër Three Makes Unicon të Hye Gun Lee, dokumentarin S for Self Reliance të Jan Adriaans, dokumentarin Violence Solves Everything të John Ledingham, filmin e shkurtër ANIMA të Tyler QDurden, dokumentarin Haus Tumbuna të Matty Hannon dhe veprën e video artit Expo Arbre Busteni – Pine Forest të Ana Catalina Gubandru.

Në Shtëpinë e Vasos publiku ndoqi pesë krijime nga Italia, Shtetet e Bashkuara, Gjermania dhe Franca: From the Wombtë Eleonora Manca, Out of Hand të Anne Ciecko, Resin të Daniel Weismüller, filmin e shkurtër Hypatia of Alexandria – The Solitary Bee të Erwan Le Gal dhe veprën Versus të Maria Grazia Carriero.

Në Shtëpinë e Milios u shfaqën pesë vepra të tjera nga Italia, Zvicra, Tajvani, Mbretëria e Bashkuar dhe Greqia. Programi përfshiu Reconnaissances të Victor Ausländer, Calling From Work të Karel van Laere, Blood Hounds të Janet Lees, Recipe for Utopia të Angeliki Avgitidou dhe filmin e shkurtër Shards of Absence të Margherita Bagnara.

Programi i ditës së parë solli një përzgjedhje të gjerë të filmave të shkurtër, dokumentarëve dhe veprave të video artit, duke prezantuar autorë nga Evropa, Azia, Amerika e Veriut dhe Australia.

Festivali vazhdon në Dhërmi me programin e ditës së dytë, i cili përfshin projeksione të tjera, një instalacion artistik, një bisedë me artistin Zef Paci dhe shfaqjen e dokumentarit “Dežo Hoffmann – Photographer of the Beatles”.