Me kokën ulur para gjykatës, dalin pamjet e shoferit që aksidentoi për vdekje 2 të miturit

Nikoll Radaçi, autori i aksidentit fatal me pasojë vdekjen e 2 fëmijëve dhe plagosjen e një tjetri 2 ditë më parë në Durrës doli sot para gjykatës për masën e sigurisë.

Euronews Albania ka siguruar pamje nga brenda sallës së gjyqit, ku po gjykohet 57-vjeçari.

I arrestuari nuk ka folur fare gjatë seancës gjyqësore, ndërsa gjykata ka dhënë masën e sigurisë arrest me burg ndaj tij.

Nikoll Radaçi, teksa e drejtonte automjetin në gjendje të dehur ka dalë nga rruga duke përplasur tre fëmijë të moshave 8, 9 dhe 12 vjeç. Si pasojë e aksidentit, humbën jetën dy të miturit, ndërsa një 8-vjeçar që ishte me ta mbeti i plagosur rëndë dhe ndodhet në Spitalin e Traumës nën kujdesin e mjekëve.

Radaçi u largua nga vendngjarja, por u lokalizua dhe shoqërua nga patrullat e policisë. Testi i alkoolit ka rezultuar pozitiv, duke konfirmuar se ai ishte në gjendje të dehur në momentin e aksidentit.

Me kokën ulur para gjykatës, pamjet e shoferit që shkaktoi aksidentin tragjik në Durrës pic.twitter.com/gnalLwXwZZ