Meta shuan zërat për rënien e qeverisë: LSI do ta votojë patjetër Reformën në Drejtësi, ka patur klimë shantazhuese

Lëvizja Socialiste për Integrim konfirmon se do të votojë Reformën në Drejtësi, duke rrëzuar zërat se ka një krisje në koalicionin e majtë qeverisës.

“Natyrisht që vullneti për këtë çështje nuk diskutohet. Porosia që kam marrë unë nga Uashingtoni ka qenë për një konsensus.  Pa dyshim që ne do ta votojmë sepse se këtë qëndrim kemi patur më parë.  Kjo është një reformë që për fat të keq është zhvilluar në atmosferë jo shumë demokratike, ku ka dominuar politika shantazhuese, ndarëse, ku për fat të keq edhe deputetë që do të votojnë nuk janë të qartë për atë çfarë do të votojnë”, tha Meta.