Milatoviq: Mali i Zi edhe më fuqishëm drejt BE-së, Kosova është histori e përfunduar

“Ajo që do të ishte e rëndësishme për ne si pjesë integrale e rajonit është që Beogradi dhe Prishtina të gjejnë një gjuhë të përbashkët në mënyrë që të gjithë së bashku të mund të hapim drejt një të ardhmeje më të bukur dhe evropiane të Ballkanit Perëndimor”, tha Milatoviq në një intervistë me televizionin kroat Dnevnik.
I pyetur nëse fitorja e tij do ta bëjë Malin e Zi të bëjë një hap prapa për sa i përket njohjes së Kosovës, Milatoviq u përgjigj se “është një situatë që ka përfunduar për sa i përket Malit të Zi”.
“Kosova është një vend i njohur ndërkombëtarisht”, shtoi presidenti i ri malazez.
I pyetur nëse po kërkon një mënyrë për ta kthyer Malin e Zi në Serbi, Milatoviq u përgjigj se ai është një politikan evropian dhe kjo është arsyeja pse “ai e mundi regjimin kaq fuqishëm”.