Ministri i Jashtëm i Çekisë: Jean-Claude Juncker, duhet të japë dorëheqje

Kryetari i Komisionit Evropian, Jean-Claude Juncker, duhet të japë dorëheqje si rezultat i votimit të Britanisë për dalje nga Bashkimi Evropian, ka thënë të dielën ministri i Jashtëm i Republikës Çeke, teksa kanë nisur të shfaqen përçarjet e para rreth drejtimit të ardhshëm të Evropës në mesin e 27 anëtarëve të mbetur të BE’së.

Shefi i BE’së, i cili vazhdimisht ka bërë thirrje për ‘më shumë Evropë’ për të korrigjuar krizat e Kontinentit të Vjetër, ka qenë ‘simbol negativ’ i llojit të federalizimit që e kanë kundërshtuar votuesit britanikë, ka thënë Lubomir Zaoralek, transmeton Gazeta Express.

“Për mendimin tim, ai (Juncker, v.j.) nuk është personi i duhur për atë pozitë. Dikush duhet të mbajë përgjegjësi për rezultatin e referendumit në Britani”, ka thënë Zaoralek në televizionin çek.