Monako ndalon e më pas liron një të dyshuar në hetimin për shpërthimin që plagosi një oligark ukrainas

Autoritetet e Monakos po hetojnë një shpërthim që, sipas raportimeve, la të plagosur një oligark ukrainas me lidhje me Rusinë dhe dy persona të tjerë. Tre të lënduar po trajtohen në një spital në Nice, në jug të Francës.

Sipas Associated Press, prokuroria e principatës njoftoi se prokurori i përgjithshëm tha se hetimet po ndiqen “shumë aktivisht” dhe se një person u ndalua në mëngjes, por u lirua në pasdite pasi u konsiderua se duhej kryer verifikime të mëtejshme.

Zyra e prokurorit bëri me dije se i ndaluari është shtetas i huaj dhe se ai u mbajt në paraburgim policor përkohësisht gjatë procesit të verifikimit. Nuk u dhanë informacione të mëtejshme rreth identitetit të tij apo motiveve që ngjallën dyshimet.

Hetimet vazhdojnë ndërkohë që autoritetet e Monakos punojnë për të sqaruar rrethanat rreth shpërthimit dhe plagosjes së tre personave, raporton Associated Press.