Mot i keq në vend, rrëshqitjet e dheut bllokojnë qarkullimin në aksin Librazhd-Përrenjas

Stuhia që përfshiu pak minuta më parë zonën e Librazhdit ka sjellë sërish probleme në aksin kombëtar Librazhd-Përrenjas.

Si pasojë e reshjeve intensive të shiut, në disa segmente të rrugës janë regjistruar shembje masive dheu, duke krijuar vështirësi në qarkullimin e automjeteve.

Masivet e dheut kanë rënë nga zona ku po zhvillohen punimet për Korridorin VIII, ndërsa në terren po punohet për pastrimin e rrugës dhe normalizimin e situatës.

Deri më tani nuk raportohen persona të lënduar, ndërsa qindra makina kanë ngelur të bllokuara nga të dyja anët e rrugës.