Nis Konferenca e 8-të Ndërqeveritare Shqipëri-BE, zv.ministrja e Qipros: Presim reforma me të njëjtin vrull

Ka nisur në Bruksel Konferenca e 8-të Ndërqeveritare Shqipëri-BE. Në fjalën e saj në nisje të konferencës, zëvendësministrja për Çështjet Europiane të Qipros, Marilena Raouna vlerësoi arritjet e Shqipërisë në reformat e vështira në rrugën drejt anëtarësimit në BE.

“Gjatë presidencës së Qipros, Këshilli ka vlerësuar përparimin e Shqipërisë. Konferenca sot doli në përfundimin se Shqipëria ka plotësuar me sukses piketat e ndërmjetme për grupkapitullin e themeleve. Kjo është një arritje vërtet domethënëse dhe një vlerësim i rëndësishëm i përpjekjeve të qëndrueshme për reforma të qëndrueshme të Shqipërisë dhe i angazhimit politik të saj në rrugëtimin evropian. Ky gur kilometrik e lejon Shqipërinë të ecë përpara në procesin e anëtarësimit dhe, në momentin kur të plotësohen kushtet përkatëse, të nisim mbylljen provizore të kapitujve”, tha ajo.