Paloka: Opozita propozon marrëveshje për të hyrë në parlament, mbikëqyrur nga faktori ndërkombëtar

Tiranë 21 Tetor 2014:

Kryetari i Grupit Parlamentar Demokrat, Edi Paloka, doli sot pasdite në një deklaratë për mediat për të propozuar nje marreveshje për të hyrë në Palament me kusht, duke patur si garant ndërkombetarët.

Paloka u shpreh se “ndërprerja e marrëdhenieve me Parlamentin erdhi si pasojë e veprimeve te mazhorancës për të ndaluar  transparencën dhe llogaridhënien parlamentare para qytetarëve, duke shkelur Kushtetutën dhe ligjin e refuzuar zbatimin e vendimeve të Gjykatës Kushtetuese”.

“Skenaret e konfliktit nuk janë zgjidhje, por përshkallëzim i konfliktit. E vetmja zgjidhje është rikthimi i Parlamentit në normalitet. Për këtë arsye opozita ka propozuar një marrëveshje shumicë-opozitë me garanci dhe mbikeqyrje të faktorit ndërkombëtar, ku shumica të angazhohet të mos verë më kurrë në pikëpyetje sovranitetin e Kushtetutës dhe vendimeve të gjykatave si dhe të punojë bashkë me opozitën për të çmontuar mekanizmin që promovon krimin në Kuvend dhe në strukturat shtetërore”, tha Paloka