Papa Leo: Nuk mund të mbështes luftën, por dënoj regjimin iranian që vret protestuesit

Papa Leo XIV ka deklaruar se si pastor nuk mund ta mbështesë luftën SHBA-Izrael me Iranin, por dënoi vrasjen e protestuesve nga regjimi iranian. “Si

Papa Leo XIV ka deklaruar se si pastor nuk mund ta mbështesë luftën SHBA-Izrael me Iranin, por dënoi vrasjen e protestuesve nga regjimi iranian.

“Si pastor, nuk mund të jem në favor të luftës”, u tha Leo gazetarëve që fluturonin me të nga Malabo, Guinea Ekuatoriale, një javë pasi Presidenti i SHBA-së Donald Trump sulmoi Papën për qëndrimin e tij ndaj konfliktit në Lindjen e Mesme.

“Do të doja t’i inkurajoja të gjithë të bëjnë përpjekje për të kërkuar përgjigje që vijnë nga një kulturë paqeje dhe jo nga një vend urrejtjeje dhe përçarjeje”, shtoi ai.

Leo tha se bombardimet e Iranit nga SHBA-të dhe Izraeli kishin krijuar një situatë kaotike për ekonominë globale së bashku me një popullsi të tërë në Iran, me njerëz të pafajshëm, e cila po vuan për shkak të kësaj lufte.

Duke theksuar koston njerëzore të konfliktit, Papa zbuloi se mban me vete një foto të një djali mysliman libanez, i cili kishte mbajtur një pankartë që i mirëpriste Papës në vend në fund të vitit të kaluar dhe i cili u vra në luftë.

Papa kritikoi gjithashtu vrasjen e protestuesve nga regjimi iranian në fjalën e tij të parë mbi këtë temë. I pyetur nëse e dënonte shtypjen vdekjeprurëse të protestave nga Teherani, Leo tha: “Unë dënoj të gjitha veprimet që janë të padrejta, dënoj marrjen e jetës së njerëzve, dënoj dënimin me vdekje, besoj se jeta njerëzore duhet respektuar.”

“Kur një regjim, kur një vend, merr vendime që u marrin padrejtësisht jetën njerëzve, atëherë padyshim që kjo është diçka që duhet dënuar”, shtoi ai.