Plagoset me armë zjarri në këmbë 30-vjeçari në Vlorë

Një plagosje me armë zjarri ka ndodhur këtë të diel, 7 qershor, në zonën e rrugës Transballkanike, në lagjen Pavarësia 3.

Sipas informacioneve paraprake, një 30-vjeçar dyshohet se është qëlluar me armë zjarri dhe ka marrë një plagë një plumb në këmbë. Ai është transportuar menjëherë drejt Spitalit Rajonal të Vlorës, ku po merr ndihmën mjekësore.

Ende nuk dihen rrethanat e ngjarjes, ndërsa policia ndodhet në vendngjarje dhe po punon për zbardhjen e plotë të saj.

“Rreth orës 18:30, në lagjen “24 Maji”, dyshohet se, pas një konflikti ndërmjet shtetasve T. A., 55 vjeç, dhe K. L., 27 vjeç, ka mbetur i plagosur me armë zjarri në këmbë shtetasi K. L.

Shërbimet e Policisë kanë shkuar menjëherë në vendngjarje dhe vijojnë kontrollet intensive për lokalizimin dhe kapjen e shtetasit T. A., autorit të dyshuar të plagosjes.

Shtetasi K. L. ndodhet nën kujdesin e mjekëve dhe është jashtë rrezikut për jetën.

Grupi hetimor, nën drejtimin e Prokurorisë, vijon veprimet për sqarimin e rrethanave dhe dokumentimin ligjor të ngjarjes“, raporton Policia e Vlorës.

/tvklan.al