Presidenti Erdoğan pritet me ceremoni zyrtare nga Vuçiç

Presidenti i Turqisë, Recep Tayyip Erdoğan, është pritur me një ceremoni zyrtare nga presidenti i Serbisë, Aleksandar Vuçiç, raporton Anadolu Agency (AA).

Në ceremoninë zyrtare pas intonimit të himneve kombëtare të të dy vendeve dhe pas përshëndetjes së trupës ceremoniale nga Erdoğan dhe Vuçiç janë prezantuar delegacionet.

Në ceremoni ishin të pranishëm edhe shefi i Shtabit të Përgjithshëm i Ushtrisë së Turqisë, Gjeneral Hulusi Akar, zëvendëskryeministri Fikri Işık, ministri i Jashtëm, Mevlüt Çavuşoğlu, ministri i Energjisë dhe Burimeve Natyrore, Berat Albayrak, ministri për Çështjet e Bashkimit Evropian, Ömer Çelik, ministri i Mjedisit dhe Urbanizimit, Mehmet Özhaseki, ministri i Ekonomisë, Nihat Zeybekci, ministër i Ushqimit, Bujqësisë dhe Blegtorisë, Ahmet Eşref Fakıbaba, ministri i Pyjeve dhe Administrimit të Ujërave, Veysel Eroğlu dhe ministri i Transportit Detar dhe i Komunikimit, Ahmet Arslan.

Pas takimit do të mbahet ceremonia e nënshkrimit të disa marrëveshjeve mes dy vendeve dhe më pas Erdoğan dhe Vuçiç do të do mbajnë një konferencë të përbashkët për shtyp.

Presidenti Erdoğan, mbrëmë në aeroportin “Nikolla Teslla” në Beograd u prit nga presidenti i Serbisë Aleksandar Vuçiç, kryeministrja Ana Bërnabiç (Ana Brnabić), si dhe nga anëtarët e qeverisë së Serbisë.