Putin: Rrezimi i avionit rus- thike pas shpine e Turqise

Rrëzimi i avionit ushtarak rus nga forcat e armatosura të Ankarasë “do të ketë pasoja tragjike” në marrëdhëniet mes Rusisë dhe Turqisë.

Kështu ka deklaruar presidenti rus Vladimir Putin, i cili e ka cilësuar ngjarjen si një “thikë pas shpine”.

Shefi i Kremlinit ka nënvizuar se, avioni u godit nga një “F-16” turk me një raketë ajër-ajër teksa ndodhej në territorin sirian, 1 km larg kufirit turk dhe po kryente operacione kundër Shtetit Islamik.