Putin: Rumania dhe Polonia mund të jenë në shënjestër të raketave ruse

Presidenti i Rusisë, Vlademir Putin, i ka paralajmëruar Rumaninë dhe Poloninë se ato mund ta gjejnë vetën në shënjestrën e raketave ruse sepse janë mikpritëse të elementeve të mburojës raketore të ShBA-së, të cilën Moska e konsideron si kërcënim kundër sigurisë së saj.

Reuters shkruan se Putini i ka bërë paralajmërimet më serioze deri më tani për mburojën rakterore, duke thënë se Moska vazhdimisht e ka thënë se do t’i duhej të marrë masa shpagimi, por që Uashingtoni dhe aleatët e saj i kanë injoruar këto paralajmërime, transmeton Gazeta Express.

Më herët këtë muaj ushtria amerikane – e cila thotë se mburoja raketore është e nevojshme për t’u mbrojtur nga Irani, dhe s’e kërcënon Rusinë – e aktivizoi mburojën raketore në Romani.

Tani, punimet për aktivizimin e mburojës tjetër raketore në Poloni janë në proces.

Ndërkohë, Putin ka thënë: “Nëse dje në ato zona të Rumanisë, njerëzit thjesht nuk e kanë ditur çka do të thotë të jesh në shënjestër, atëherë sot ne do të jemi të detyruar të ndërmarrim masa të caktuara për ta garantuar sigurinë tonë.”

“E njëjta gjë vlen edhe për Poloninë,” përfundoi ai.