Rama: 5 mijë lekë të reja shpërblim për pensionistët, me rastin e festave të fundvitit

Kryeministri Edi Rama, gjatë turit të takimeve sot në Kamëz, bëri të ditur se në fillim të dhjetorit, pensionistët do të marrin 5 mijë lekë të reja shpërblim për festat e fundvitit.

Sipas tij, kjo nuk është një ndihmë e madhe për pensionistët, por i lehtëson diçka si fund viti e raste festash dhe ju jep buzëqeshje.

“Në fillim të dhjetorit, pensionistëve do u japim një mbështetje prej 5 mijë lekësh (të reja) për gjithësecilin. Kjo nuk është një shumë e madhe, por është një shumë që ata e kanë pasur dhe do e kenë sërish këtë vit. I lehtëson dhe u jep një buzëqeshje për fundvitin,”- deklaroi kryeministri Rama.