Rama i përgjigjet Gove: Ideja juaj është e çuditshme, vendi im nuk është model për ju

Sekretari britanik i Drejtësisë, Michael Grove 2 ditë më parë u shpreh se nëse britanik vendosin me referendum që të dalin nga BE, atëherë duhet ndjekur shembulli i Shqipërisë për sa i përket tregtisë. Deklaratë që solli mjaft reagim në opinionin britanik.

Edhe kryeministri Edi Rama iu përgjigj Sekretarit britanik të Drejtësisë, Michael Gove pas një artikulli të tij se do të braktiste BE-në nëse ajo pranonte në gjirin e saj shtete si Shqipëria, Bosnja, Kosova apo Serbia.

“Ndoshta ne duhet të kënaqemi që Shqipëria e vogël është bërë qendër e debatit të Britanisë për Evropën. Por kur pashë artikullin e Michael Gove-që sugjeroi se Britania mund të braktisë partneritetin e saj me Gjermaninë, Francën dhe vendet e tjera të BE-së dhe në vend të saj të hyjë në një partneritet jo evropian me Shqipërinë, Kosovën, Serbinë dhe Bosnjën, reagimi im i menjëhershëm ishte: “A nuk është pak e çuditshme”,- pyet Rama.

Më tej kryeministri shprehet se është “Absurde që ta tërhiqni Shqipërinë në debatin e Britanisë. Vendi im, jo model që ta ndjekë Britania”, shprehet Rama për britaniken, “The Times”.