Reperi i famshëm futet zyrtarisht në politikë! Kandidon për Këshillin Kombëtar të PD-së

Reperi i njohur Stresi ka zbuluar një nga propozimet e bëra nga Sali Berisha, kandidimin për Këshillin Kombëtar të Partisë Demokratike.

Me një mesazh për të rinjtë, ai thekson rëndësinë e përfaqësimit dhe angazhimit të brezit të ri në vendimmarrjen politike.

“Sot kam vendosur të hedh një hap më shumë për vendin tim, për të rinjtë dhe për zërin e një brezi që shpesh është ndjerë i papërfaqësuar.

Kandidimi im për Këshillin Kombëtar të PD-së nuk është thjesht politikë është përgjegjësi, përfaqësim dhe besim tek rinia shqiptare.

Kam ardhur nga rruga, nga jeta reale, nga sfidat që çdo i ri i njeh mirë. Prandaj dua që zëri ynë të dëgjohet aty ku merren vendimet.

Nuk ka më kohë për heshtje, për largime apo për dorëzim. Ka ardhur koha që rinia të ngrihet, të flasë dhe të marrë vendin që meriton.

Ftoj çdo të ri që beson te ndryshimi, te energjia e re dhe te Shqipëria që mund të bëhet më mirë, të bashkohet me mua në këtë rrugëtim.

Sepse e ardhmja nuk pret. Dhe ajo ndërtohet nga ne”, tha Stresi.