RIK shpall listat e pakicave për zgjedhjet e 25 tetorit: SDP-ja e Rasim Ljajiqit dhe Aleanca e Hungarezëve të Vojvodinës

Komisioni Republikan i Zgjedhjeve (RIK) i Serbisë ka shpallur edhe dy lista të tjera të pakicave kombëtare për zgjedhjet e parakohshme parlamentare të 25 tetorit 2026. Vendimi për shpalljen e tyre u mor njëzëri nga anëtarët e komisionit.

Në mesin e listave të shpallura është ajo e pakicës së Partisë Demokratike të Sanxhakut (SDP) dhe e Partisë Demokratike Malazeze (CDP). Të dyja partitë do të garojnë së bashku në zgjedhje nën emrin e përbashkët “Rasim Ljajić – Ljudski (SDP – CDP)”.

RIK shpalli po ashtu edhe listën e pakicës “Savez vojvođanskih Mađara – Dr Balint Pastor” (Aleanca e Hungarezëve të Vojvodinës – Dr Balint Pastor), bartëse e së cilës është Balint Pastor, kryetari i kësaj partie.

Përveç shpalljes së listave, komisioni miratoi që të tria këto lista të kenë nga një anëtar dhe një zëvendësanëtar në përbërjen e RIK-ut. Ata do të marrin pjesë në punën e komisionit duke filluar nga seanca e ardhshme.

Burimi: Danas