Ronaldo dhe prapaskena e vitit 2018: Mund të ishte bashkuar me Milanin, tha po, pastaj…

Cristiano Ronaldo ishte një hap larg veshjes së fanellës së Milanit në vitin 2018. Massimiliano Mirabelli, ish-drejtor sportiv i kuqezinjve, i tha Carlo Pellegatti-t: “Pronarët kinezë na kërkuan të realizonim një transferim sensacional. Në atë kohë, Cristiano Ronaldo kishte probleme me taksat te Real Madridi. Në finalen në Cardiff, Juve-Real Madrid, u takuam me Jorge Mendes. Bëmë ofertën, e cila e magjepsi Cristiano Ronaldon”.

“Ai donte të fitonte Europa League, ishte jashtëzakonisht i motivuar. Kishim arritur të gjitha marrëveshjet: me Real Madridin, me Jorge Mendesin në lidhje me lojtarin. Gjithçka ishte në rregull, por pas kësaj, nuk u realizua: kinezët u tërhoqën. Real Madridi donte 100 milionë euro, por mund të kishim pasur diskutime të ndryshme dhe shifra mund të ishte ulur”.

“Sigurisht, Ronaldo kishte një pagë të konsiderueshme. Nuk dua të gabohem, por e gjithë kjo ndodhi në janar 2018, do të kishim nënshkruar menjëherë”.