Scott: SHBA nuk pranon çfarëdo marrëveshje mes Kosovës dhe Serbisë
Shtetet e Bashkuara të Amerikës janë të hapura për çdo zgjidhje për Kosovën tek e cila do të arrinin pala serbe dhe kosovare, ka thënë ambasadori amerikan në Beograd Kyle Scott.
Ai ka shtuar se kjo megjithatë nuk do të thotë se ShBA-ja do të përkrahë çdo marrëveshje, përcjell televizioni publik i Serbisë.
“Do të shqyrtojmë çdo zgjidhje, pro kjo nuk do të thotë se do përkrahim çdo zgjidhje, sepse s’e dimë se për çfarë bëhet fjalë”, ka thënë Kyle Scott.
I pari i Ambasadës së ShBA-së në Serbi ka shtuar se zgjidhja e arritur drejtpërdrejtë nga palët e interesuara, është zgjidhja më e mirë, dhe nëse ajo do të arrihet e tillë ndërmjet Serbisë e Kosovës, do të jetë më e qëndrueshmja.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.