Serbi: Kompania kineze Mei Tanis fillon ndërtimin e fabrikës së pjesëve të makinave

Nisi në Beograd ndërtimi i një fabrike për prodhimin e pjesëve të makinave të kompanisë kineze Mei Ta. Ndërtimi i saj realizohet me një investim prej 68 milionë dollarësh nga kompania kineze dhe rreth 25 milionë dollarë nga qeveria serbe.

Fabrika po ndërtohet në Zonën e Lirë Industriale Bariç, pranë Beogradit dhe në të do të punësohen 1400 punonjës.

Investimet në zonat e lira industriale dhe infrastruktura përbëjnë përparësitë e Serbisë për të krijuar vende të reja pune dhe për të luftuar papunësinë.

Kompania kineze Mei Ta është ndër më të mëdhatë në tregun botëror për prodhimin e pjesëve motorike të makinave.