Sfidë e veçantë për Julian Shehun, 100 ndeshje me Widzew Lodz për mesfushorin shqiptar

Ndeshja kundër Lechia Gdansk në kampionatin polak ka qenë e veçantë për mesfushorin e kombëtares shqiptare Julian Shehu me fanellën e Widzew Lodz. Ishte sfida e 100-të në karrierë për 27-vjeçarin me klubin polak.

Shehu është kthyer në një nga lojtarët më të rëndësishëm të Widzew Łódźit dhe këtë sezon në 30 ndeshje të luajtura ai ka shënuar 4 gola dhe ka dhënë 5 asiste.

“I nderuar dhe mirënjohës që kam luajtur 100 ndeshje për Widzew Łódź. Një moment vërtet i veçantë me këtë klub të mrekullueshëm që do të thotë kaq shumë për mua. Faleminderit shokëve të mi të ekipit, stafit dhe veçanërisht tifozëve të jashtëzakonshëm për mbështetjen, pasionin dhe energjinë e palëkundur në çdo moment”, shkruan Shehu në një postim në rrjetet sociale.