Presidenti amerikan, Donald Trump priti sot drejtuesit e vendeve balltike, para të cilëve ai shprehu vendosmërinë përballë Rusisë, fqinjit të tyre të plotfuqishëm, në një kohë kur një vizitë e mundshme e Vladimir Putinit në Shtëpinë e Bardhë është përmendur.
“Askush nuk ka qenë kaq i vendosur përballë Rusisë si Donald Trump”, theksoi presidenti amerikan gjatë një dreke me presidenten lituaneze, Dalia Grybauskaite dhe homologët estonez, Kersti Kaljulaid dhe letonez, Raimonds Vejonis.
Duke e vënë theksin tek bindja e tij, se të kesh marrëdhënie të mira me Moskën do të ishte diçka e mirë, ai nuk përmendi drejtpërdrejt çështjen e ndjeshme të një takimi të mundshëm me burrin e hekurt të Kremlinit në Uashington.
Ky takim i mundshëm, përmendur gjatë një bisede telefonike mes dy krerëve më 20 mars ndodh në kontekstin e tensioneve të mëdha lidhur me çështjen Skripal.
Vizita e fundit e Putinit në Shtëpinë e Bardhë daton që prej vitit 2005, nën drejtimin e George W. Bush.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.