Siljanovska-Davkova priti delegacionin e Senatit francez: Rruga e Maqedonisë drejt Brukselit, “e gjatë në mënyrë të panatyrshme”

Presidentja e Maqedonisë së Veriut, Gordana Siljanovska-Davkova, zhvilloi takim me delegacionin e Senatit francez, me të cilin bisedoi për rrugën europiane të vendit, njoftoi Kabineti i Presidentes sipas agjencisë MIA më 25 shtator.

Gjatë takimit, Siljanovska-Davkova tha se Franca është “mike e rëndësishme dhe partnere” në rrugën europiane të Maqedonisë.

Ajo theksoi se rruga e Maqedonisë drejt Brukselit është “në mënyrë të panatyrshme dhe të palogjikshme e gjatë”: në vend që të kalojë përmes kritereve të Kopenhagës, ajo kalon përmes metropoleve të vendeve fqinje, anëtare të BE-së, duke u përballur me pengesa dhe kushte të natyrës identitare, në vend të atyre reformuese.

Takimi vjen në një moment kur diplomacia maqedonase ka intensifikuar aktivitetet për zhbllokimin e procesit të anëtarësimit në BE, ndërsa vendi pret vizitën e presidentes së Komisionit Europian, Ursula von der Leyen, në kuadër të turneut rajonal në Ballkanin Perëndimor.

Burimi: MIA