Skënderbeu firmos me një mesfushor, ka luajtur me kombëtaren e Guinesë

Skënderbeu bën përforcimin e radhës. Klubi korçar ka zyrtarizuar sot afrimin e Ousmane Drame, një mesfushor 25-vjeçar që ka luajtur në Francë dhe më parë ka qenë pjesë e kombëtares së vendit të tij, Guinesë.

“Ousmane Drame, zyrtarisht bardhekuq. Mesfushori 25-vjeçar nga Guinea i bashkohet ekipit pas eksperiencës tek Paris 13 Atletiko në Francë. Drame ka luajtur dhe për përfaqësuesen e vendit të tij”, – shkruan klubi juglindor në faqen e vet zyrtare.

Korçarët kanë bërë disa afrime ditët e fundit, duke plotësuar të gjithë repartet. Nuk bëhet fjalë për emra të njohur në fakt, thuajse të gjithë do të luajë për herë të parë në elitën e futbollit shqiptar. Kampionati do të tregojë se sa kanë goditur në shenjë drejtuesit e Skënderbeut me këto lëvizje që kanë bërë.