Slot thyen heshtjen: Ika nga Liverpool duke e lënë ku e meritonte!

Në një letër të hapur të publikuar në “Liverpool Echo”, Arne Slot, mbajti një qëndrim për herë të parë pas vendimit të klubit për të shkarkuar.

47-vjeçari tregon se largohet krenar pas punës së bërë për dy vite në “Anfield Road”. “Jam i lumtur pasi po largohem duke lënë këtë klub pikërisht aty ku i takon, midis elitës së Evropës”, tha holandezi.

Edhe pse këtë sezon Liverpool-i i tij pësoi plot 20 humbje Slot arriti që të kualifikonte skuadrën në edicionin e ardhshëm të Champions League.

Liverpool mësohet se do të hapë bisedime zyrtare me ish-trajnerin e Bournemouth, Andoni Iraola, i cili pritet që të jetë pasuesi i holandezit.