Student i Fakultetit Juridik në Beograd thirret në “bisedë informative” nga policia, një ditë pas dorëzimit të listës në RIK

Studentët në bllokadë të Fakultetit Juridik të Universitetit të Beogradit njoftuan sot se një nga kolegët e tyre është thirrur në një “bisedë miqësore informative” nga policia, vetëm një ditë pasi dorëzuan në Komisionin Republikan të Zgjedhjeve (RIK) listën “Studentska lista – studenti pobeđuju” (“Lista Studentore – Studentët Fitojnë”).

Në një postim në Instagram, studentët deklaruan se “presionet e kësaj natyre vazhdojnë edhe në fushatën zgjedhore, por kjo nuk na befason aspak”. “Nuk kemi frikë dhe e dimë mirë çfarë po bëjmë”, shkruajnë ata, duke vlerësuar se veprime të tilla vetëm “konfirmojnë se pushteti është i vetëdijshëm për forcën që kemi dhe mbështetjen që gëzojmë”.

Një natë para dorëzimit të listës, studentët dhe qytetarët organizuan një marsh proteste nga Rektorati i Universitetit të Beogradit deri te ndërtesa e RIK-ut, ku dorëzuan firmat e mbledhura për listën zgjedhore të grupit qytetar “Studentska lista – Studenti pobeđuju”.

Ky është episodi më i fundit në një seri presionesh ndaj lëvizjes studentore në Serbi, e cila prej muajsh mban në bllokadë dhjetëra fakultete dhe kërkon përgjegjësi për tragjedinë e Novi Sadit, reforma zgjedhore dhe fundin e korrupsionit.

Burimi: Danas