Tensione në Parlament, Noka dhe deputetët e PD-së bllokojnë foltoren: Duam zgjidhje politike

Kryetari i Kuvendit, Niko Peleshi, hapi seancën plenare të kësaj të enjte, por tensionet nisën menjëherë. Në momentin kur Peleshi po njoftonte procedurën e seancës, deputeti i Partisë Demokratike, Flamur Noka, dhe më pas kolegët e tij u ngritën në foltore, duke iu drejtuar me tone të larta kreut të Parlamentit dhe duke kërkuar zgjidhje politike.

“Duam zgjidhje politike”, thërriste Noka, ndërsa shumica e deputetëve të PD-së u ngritën drejt foltores dhe i binin tavolinave.

Më pas, fjalën e mori deputeti i PD-së, Belind Këlliçi, i cili tha se do të mbajë një qëndrim zyrtar lidhur me ditën e dhjetë të protestës.