Trendi pozitiv i ekonomisë mban të mbiçmuar lekun ndaj valutave
Trendi pozitiv i rritjes së ekonomisë po mban të mbiçmuar lekun ndaj valutave.
Banka e Shqipërisë raporton se rritja e fluksit të investimeve në ekonomi ka dhënë ndikim në rritjen e tepricës së tregut me valutë.
Oferta e lartë në monedhën europiane, sipas aktorëve të tregut është stimuluar edhe nga sezoni i fundvitit si dhe fluksi i lartë i emigrantëve. Ndërsa luhatjet e dollarit përgjthësisht reflektojnë ecurinë në bursat e huaja.
Sot leku është mbiçmuar pothuajse ndaj të gjitha valutave, por më ndjeshëm monedha vendase ka forcuar pozitat në këmbim me dollarin amerikan dhe frangën zvicerane, ndërsa euro kuotohet në nivelin më të lirë për muajin dhjetor 2017.
Sipas kursit zyrtar të Bankës së Shqipërisë, dollari këmbehet 112.47 lekë ose 0.39 lekë më pak se një ditë më parë dhe euro këmbehet 133.13 lekë ose 0.04 lekë më pak.
Mbiçmimi i lekut i bën më të lira importet dhe më të shtrenjta eksportet si ka ndikimet e veta në kreditë e marra në valutë të huaj.
Mbiçmimi vjetor i lekut kundrejt euros rezultoi mesatarisht 2.9 % në tremujorin e tretë të vitit. Krahasuar me fund shtatorin e 2016, leku ka fituar rreth 4 pike ndaj euros dhe 9 pike ndaj dollarit amerikan.
| Lekë për njësi të monedhës së huaj | ||||
| Dollar Amerikan | USD | 112.47 | -0.39 |  |
| Euro | EUR | 133.13 | -0.04 | |
| Poundi Britanik | GBP | 150.72 | -0.17 | |
| Franga Zvicerane | CHF | 114.01 | -0.60 | |
| Jeni Japonez (100) | JPY | 99.41 | -0.79 | |
| Dollari Australian | AUD | 86.29 | -0.30 | |
| Dollari Kanadez | CAD | 87.48 | -0.27 | |
| Korona Suedeze | SEK | 13.46 | +0.06 |  |
| Korona Norvegjeze | NOK | 13.51 | +0.01 | |
| Korona Daneze | DKK | 17.90 | -0.01 | |
| SDR | SDR | 159.03 | -0.45 | |
| Ari(OZ 1) | XAU | 142312.79 | -196.66 | |
| Argjend(OZ 1) | XAG | 1810.77 | -7.40 | |
| Juani Kinez (onshore) | CNY | 17.10 | +0.01 | |
| Juani Kinez (offshore) | CNH | 17.10 | +0.01 | |
