Trump: SHBA kundërshton çdo ‘rregullim globalist’ të inteligjencës artificiale
Presidenti amerikan e bëri deklaratën nga Shenzheni, gjatë samitit të APEC-ut dhe takimit me presidentin kinez Xi Jinping, duke thënë se superinteligjenca duhet mbajtur nën vëzhgim.
Presidenti i Shteteve të Bashkuara, Donald Trump, deklaroi sot nga Shenzheni se Shtetet e Bashkuara kundërshtojnë çdo formë të “rregullimit globalist” të inteligjencës artificiale, siç njofton Shqiptarja.com. Deklarata u bë në kuadër të samitit të APEC-ut, gjatë të cilit ai zhvilloi një takim me presidentin kinez Xi Jinping.
Trump tha se bëhet fjalë për superinteligjencën, e cila duhet mbajtur nën vëzhgim. Sipas tij, duhet të jemi të kujdesshëm dhe të përfitojmë prej saj, pasi ajo është pothuajse tërësisht e dobishme, por ka edhe disa aspekte negative, ndaj duhet kushtuar vëmendje e madhe mënyrës se si ato menaxhohen.
Ai theksoi se Shtetet e Bashkuara kundërshtojnë çdo formë të rregullimit globalist apo çdo masë që synon të kontrollojë dhe të frenojë “superinteligjencën”, duke shtuar qartë se nuk do ta lejojnë që kjo të ndodhë.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.