Tuchel: U pendova që s’hëngra pak nga bari i asaj fushe, do të doja të kisha përgjithmonë me mua diçka nga ajo ndeshje!

Në një rrëfim të pazakontë, Thomas Tuchel ka shprehur pendesë për faktin se nuk ka ngrënë barin e fushës ku Anglia arriti fitoren e saj ikonike ndaj Meksikës në Kupën e Botës. “Tre Luanët” u përballën me një prej vendeve pritëse të turneut në fazën e 1/8-ave gjatë verës.

Ndërkohë, trajneri Tuchel ka zbuluar se do të kishte dashur të hante pak nga bari i fushës si një kujtim i pazakontë. Në një prononcim për faqen zyrtare të Federatës Angleze të Futbollit (FA), trajneri gjerman tha: “Nëse ju duhej ndonjë provë për rëndësinë që kishte kjo fitore për këta lojtarë dhe për lidhjen mes tyre, mjafton të shihnit momentin kur Jordan (Henderson) u rrëzua dhe theu krahun (pas vërshëllimës përfundimtare). Brenda një çasti, çdo lojtar ishte aty: ndaluan festimet, krijuan një mburojë, mbrojtën Jordanin dhe nuk lëvizën nga vendi, të gjithë të përfshirë nga një ndjenjë e thellë empatie. Ishte vërtet diçka e veçantë. Pas ndeshjes i dërgova një mesazh një miku dhe thjesht i shkrova se më vinte keq që nuk hëngra pak bar pas ndeshjes, për të mbajtur diçka (nga ajo përvojë) brenda vetes përgjithmonë. Ajo ishte ndjesia. Ai ishte momenti”. A.V.