Turizëm, Culture trip: Lini i Pogradecit, ja pse duhet vizituar

Culture Trip Blog kësaj here ka realizuar një shkrim për një ndër zonat turistike të Shqipërisë, për tokën e lagur nga liqeni i Ohrit, Pogradeci.

Artikulli shkruan se zona e Linit në Pogradec, konsiderohet një gadishull i vogël në brigjet perëndimore të liqenit të Ohrit, liqenit të bukur që ndan Shqipërinë nga Maqedonia fqinje.

Ky fshat piktoresk, shkruan Blogu, është një ndër vendet të cilët duhen eksploruar kur arrin në zonën juglindore të Shqipërisë. Fshati është ndërtuar që në shekullin e 6 dhe në të cilin ndodhet një bazilikë e hershme e krishterë, i shpallur monument kulture i Shqipërisë.

Pjesa e Linit e lagur nga liqeni është një tjetër tërheqje e madhe për fshatin e bukur me shumë rërë dhe guralecë, shkruan blogu, duke ftuar të gjithë turistët që ta vizitojnë.