UEFA nuk fal, gjobit Egnatian për hedhjen e sendeve në fushë në ndeshjen me Celjen

Ishte i pritshëm ndëshkimi nga UEFA për kampionët e Shqipërisë, pas atyre episodeve të ndodhura në stadiumin e Rrogozhinës më 22 korrik, gjatë ndeshjes së parë kundër Celje, ku tifozët hodhën sende në fushën e lojës.

Klubi rrogozhinas është gjobitur me 25 mijë euro për ato incidente nga institucioni që drejton futbollin europian, ndërsa drejtori sportiv, Kejdi Zenelaj, është pezulluar me një javë në ndeshjet e Europës.

Ka dhe një dënim të pjesshëm të stadiumit, por UEFA e ka pezulluar mbylljen e sektorëve E1 dhe E2 për një periudhë prove dyvjeçare.