Ushtria amerikane: 55 anije tregtare kaluan nëpër Ngushticën e Hormuzit

Komanda Qendrore Ushtarake e Shteteve të Bashkuara, CENTCOM raportoi se trafiku i anijeve tregtare në Ngushticën e Hormuzit është rritur sot.

“Kalimi i sigurt nëpër rrugën detare ndërkombëtare mbeti i papenguar sot, ndërsa 55 anije tregtare kaluan, duke transportuar sasi të mëdha mallrash dhe më shumë se 17 milionë fuçi naftë në tregjet globale”, tha CENTCOM në një deklaratë.

Ai shtoi se ushtria amerikane vazhdon të ruajë një prani dhe vigjilencë për të siguruar që të gjitha kushtet e marrëveshjes me Iranin të përmbushen.

Deklarata erdhi menjëherë pasi Irani njoftoi se rruga detare jetësore ishte mbyllur, duke përmendur “krimet” izraelite në Liban dhe shkeljen nga SHBA-të të angazhimeve të saj për të arritur një armëpushim.