Vangjeli: Protestat paqësore kanë 2 herë më shumë shanse të fitojnë se protestat radikale

I ftuar këtë të enjte në Now me Erla Mëhillin në Euronews Albania, gazetari Lorenc Vangjeli u shpreh se suksesi i protestës në Tiranë, e cila sot hyri në ditën e saj të 19-të, është vijueshmëria e saj paqësore.

Ndërkohë, Vangjeli paralajmëroi se nëse protesta kthehet radikale, mund të mos jetë fundi i saj, por shanset për të fituar dhe për të arritur qëllimin që ka do të jenë shumë të ulëta.

“Nëse do të bëhet fjalë për sukses i protestës, është vetëm vijueshmëria e saj, duke qenë si paqësore, kështu siç është.

Nëse kthehet ajo radikalizohet, do të jetë në mos fundi i saj, dy herë më pak shanse për fitore.

Ka studime shumë serioze të cilat kanë marrë në analizë të gjitha protestat e shekullit të XX edhe deri tani, dhe rezultati që ka dalë është se protestat paqësore kanë dy herë më shumë shanse të jenë të suksesshme në krahasim me ato radikalet.

Bëni një krahasim me molotovët e doktorit dhe shikoni se çfarë diference ka”, u shpreh ai.