VIDEO/ Momenti kur grabitet argjendaria në Kamëz, 2 autorët dalin me çantën e mbushur me bizhuteri dhe armë në dorë

Euronews ka siguruar pamjet e grabitjes së armatosur të një argjendarie në Kamëz, ngjarje e ndodhur mesditën e kësaj të shtune.

Në video dëgjohen edhe reagimet e dëshmitarëve që ndodhen në vendngjarje, ndërsa skena e grabitjes zhvillohet në mes të ditës. Pamjet tregojnë momentin kur dy persona të armatosur dalin me shpejtësi nga argjendaria, pasi kanë marrë një sasi bizhuterish.

Autorët shfaqen të maskuar me skafandra dhe të veshur me rroba të errëta, për të mos u identifikuar. Menjëherë pas grabitjes, ata hipin mbi një motor të kuq që e kishin lënë të ndezur jashtë biznesit dhe largohen me shpejtësi nga vendngjarja.

Ndërkohë, policia ka sekuestruar pamjet e kamerave të sigurisë dhe po punon për identifikimin dhe gjurmimin e itinerarit të lëvizjes së autorëve të dyshuar.

Grabitja në Tiranë, me skafandra dhe të armatosur mbushin çantën në argjendari dhe largohen me motor pic.twitter.com/ptafsztXLp