VIDEO / Rrëfimi i të riut shqiptar: Erdha në Siri sepse nuk më pëlqen demokracia

Rrëfimi i tij, që nuk dihet se kur është inçizuar, mban datën publikimit 21 mars të vitit 2014 dhe qarkullon në youtube.

Në këtë rrëfim para kamerës, shfaqet një i ri, i cili nga e folura duket si nga zonat veriore të Shqipërisë ose Kosova.

“Përvoja ime me xhihadin është një përvojë e paharrueshme”, thotë i riu shqiptar, duke treguar më pas edhe në vendet ku është trajnuar ushtarakisht, apo siç thotë ai, “përgatitje për xhihad”.

Ai tregon se si grupi xihadist të cilit ai i përkiste ishte rrethuar nga një grup tjetër xhihadist, rrethim i cili thotë të ketë zgjatur 10 ditë.

Ai ka treguar se ka bërë 20 ditë burg, ndërkohë që edhe është plagosur.

Në fund të intervistës i riu thotë se ka shkuar në Siri sepse nuk i pëlqen demokracia dhe se e vetmja formë jetese që ai dëshiron është Ligji i Allahut. /