Zbardhet atentati ndaj dy bashkëshortëve në Lezhë, 3 persona në kërkim

Pas ngjarjes së rëndë të ndodhur ditën e djeshme në fshatin Balldren të Lezhë, ku nga një atentat mbetën të vdekur një çift bashkëshortësh, Kreshnik dhe

Pas ngjarjes së rëndë të ndodhur ditën e djeshme në fshatin Balldren të Lezhë, ku nga një atentat mbetën të vdekur një çift bashkëshortësh, Kreshnik dhe Gentiana Mujeci, këtë të hënë policia ka njoftuar se për këtë ngjarje janë shpallur në kërkim tre persona.

Ndërkohë, pak orë më parë policia njoftoi se në atentat janë përdorur dy automjete, ku njëra prej tyre ka luajtur rolin e pritës, duke i prerë rrugën automjetit tip Audi A7 ku udhëtonin viktimat, ndërsa makina tjetër është përdorur nga autorët për kryerjen e sulmit.

Dy persona të armatosur kanë dalë nga mjeti dhe kanë hapur zjarr ndaj automjetit të viktimave, duke shkrepur mbi 30 plumba. Sulmi ka qenë i shpejtë dhe i mirëorganizuar, duke mos u lënë asnjë mundësi reagimi viktimave.

Pas krimit, autorët janë larguar me shpejtësi nga vendi i ngjarjes. Policia ka ngritur pika kontrolli dhe po vijon punën për zbardhjen e plotë të ngjarjes.