Zelenski do të vizitojë Malin e Zi: lajmi u njoftua pas takimit Milatoviq–Herasimenko

Presidenti i Ukrainës, Volodymyr Zelensky, do të vizitojë Malin e Zi. Lajmërimi u bë gjatë takimit të lamtumirës mes presidentit malazez Jakov Milatoviq dhe ambasadorit ukrainas në largim në Podgoricë, Oleh Herasimenko.

Sipas njoftimit të Kabinetit të Milatoviqit, presidenti malazez e priti ambasadorin Herasimenko në një vizitë lamtumirëse dhe e falënderoi për kontributin në forcimin e marrëdhënieve midis Malit të Zi dhe Ukrainës gjatë mandatit të tij.

Gjatë takimit u njoftua vizita e presidentit të Ukrainës, Volodymyr Zelensky, në Mal të Zi. Të dy palët theksuan se Mali i Zi mbetet i vendosur në mbështetjen e Ukrainës, si dhe në përpjekjet diplomatike të orientuara drejt vendosjes së një paqeje të qëndrueshme me garanci të forta sigurie.

Milatoviq i uroi ambasadorit Herasimenko sukses në angazhimin e tij të ardhshëm profesional, duke shprehur bindjen se takimet e ardhshme në nivelin më të lartë do t’i japin shtysë të mëtejshme zhvillimit të marrëdhënieve midis dy vendeve.

Burimi: RTCG