Zgjedhjet në Hungari, nis festa techno përpara parlamentit të Budapestit

Hungaria po përjeton një nga proceset zgjedhore më të rëndësishme të dekadave të fundit, me një pjesëmarrje rekord që sinjalizon interes të lartë qytetar për drejtimin e vendit.

Sipas të dhënave zyrtare, deri rreth orës 15:00, pjesëmarrja në votime ka kaluar 66%, një rritje e ndjeshme prej rreth 10% krahasuar me zgjedhjet e katër viteve më parë. Kjo rritje reflekton rëndësinë që votuesit i japin këtyre zgjedhjeve, të cilat mund të përcaktojnë të ardhmen politike të vendit.

Zgjedhjet e këtij viti konsiderohen një test kyç jo vetëm për politikën e brendshme hungareze, por edhe për balancat brenda Bashkimit Evropian.

Votimet  janë drejt fundit, ndërsa në Budapest ka nisur muzika tekno.

Në sheshin Kossuth Lajos  Qindra të rinj dhe pjesëmarrës janë mbledhur në shesh për një aktivitet që është njëkohësisht festë techno, protestë simbolike dhe pritje e rezultateve zgjedhore.

I promovuar si një “afterparty” i zgjedhjeve, eventi “Më shumë techno në Parlament” pritet të zhvendoset më pas në Qendrën Kulturore Turbina, ku festa do të vijojë gjatë mbrëmjes.

The post Zgjedhjet në Hungari, nis festa techno përpara parlamentit të Budapestit appeared first on Euronews Albania.