Zgjedhjet në Serbi: Fatmir Hasani i vetmi deputet shqiptar i Luginës në Parlamentin serb

Në zgjedhjet e fundit të mbajtura të dielën në Serbi, nga 250 deputetë në Parlamentin e këtij shteti, vetëm një shqiptar ka arritur ta sigurojë njërën prej tyre. Dmth, nga dy deputete qe ka patur Lugina e Presheves, tashme do te kete vetem nje deputet midis 250 deputeve te parlamentit te Serbise.

Pra,  Fatmir Hasani i vetmi deputet shqiptar në Parlamentin serb nga Lugina me 12 parti do te perfaqeson 100 mije qytetarë. Analiste nga  Lugine i kane deklaruar  se “sikur, shqiptaret te ishin unik ne Luginen e Preshevës, pa dyshim ne qeverine serbe do te kishin nje ministri dhe 3 deputetë.”  Fatmir Hasani nga Partia për Veprim Demokratik, është shqiptari i vetëm që do të mbrojë interesat e shqiptarëve të Preshevës, Medvegjës e Bujanocit, karshi deputetëve serbë.

Deputeti Fatmir Hasani tha se “Është dashur të jemi më te bashkuar dhe keshtu mund te fitonim tre deputete, por partitë politike nuk patën vullnet e guxim me i hy kësaj pune. Tirana zyrtare provoi t’i bashkojë partitë shqiptare në Luginë, edhe Prishtina zyrtare po ashtu, por nuk arritën t’i bashkojnë”, pohoi Hasani.

Megjithatë, edhe si i vetëm, Hasani premtoi se do të vihet ne mbrojtje  të interesave të shqiptarëve në Serbi, për çka edhe i mori votat. Sipas deputetit Hasani “Qëllimi ynë është që t’i mbrojmë të drejtat e pakicës shqiptare, sepse shqiptarët janë të lënë anash nga Qeveria qendrore. Unë do të fokusohem shumë në problemet e zhvillimit ekonomik, sepse papunësia është 70 për qind”.